CHEMNITZ, Alemania – Na Alemania tin un buskeda riba un Sirio di 22 aña. E corant Aleman Focus, a meld cu ya pa basta tempo e terorista aki ta wordo teni na bista y kier a laga rementa un bom na un aeropuerto Aleman.
Material bon scondi
Unidadnan special di polis Aleman a drenta den e cas den e ciudad di Chemnitz. Eynan a bin haya algun shen gram di explosivo. Segun vocero di polis, tur cos tabata “relativamente bon scondi” den e apartamento. Ta bay aki den e districto Fritz Heckert, caminda tin edificionan grandi di vivienda (flat). E accion a cuminsa awe mainta, riba un tip di servicio di inteligencia.
E Sirio no a wordo gara. Polis den e estado di Saksen a parti potret di dje. E persona aki ta wordo cataloga como “peligroso.”
Fuente: RTL Nieuws