DORTMUND, Alemania – Tres explosion a tuma luga diamars cerca di e bus di e ekipo Dortmund Borrusia y e hungado Marc Bartra, a resulta herida ora cu e club sali for di e hotel pa e stadion pa nan encuentro cu Monaco, segunp olis di e ciudad a confirma.
Den un comunicado, autoridadnan local a bisa cu e explosionnan a tuma luga na Dortmund, Alemania, poco despues di 7’or di anochi ora local.
Nan a relata cu e wielnan di e bus a rementa. Ainda no ta ocnoci mas detaye di e explosion, segun polis.
Polis di Dortmund a bisa cu e prome investigacionnan ta indica cu e explosivonan “por tabata scondi den mata cerca di e parkinglot,” segun un comunicado publica den e website di polis.
E comunicado a agrega cu polis ta kere cu e atake a involucra “explosionnan serio.”
Un dispositivo explosivo adicional cu no a detona, a wordo descubri cerca di e bus di e ekipo di Borussia Dortmund, e hefe di polis di Dortmund Gregor Langer a bisa den un conferencia di prensa diamars anochi.
Polis ta “considerando tur e opcionnan” cu respecto na un motibo pa e atake, hefe Langer a bisa.
E partido a wordo cancela pa mañan, segun Dortmund a comunica riba su rednan.
E hungador Colombiano di Monaco, Radamel Falcao, a lamenta loke a sosode. E presidente di e Gobierno Spaño, Mariano Rajoy, a manda su deseonan di un pronto mehoria na Bartra.
Fuente: CNN en Español