TULTEPEC, Mexico – Un serie di explosion riba un mercado di weganan pirotecnico den e pueblo Tultepec di e estado di Mexico, a laga varios herido y morto. Autoridadnan di localnan di Tultepec, estado di Mexico, ta calcula cu mas di 20 persona a muri sin cu na e momento autoridadnan nacional a duna un reporte di e victimanan.
E gobernador di e Estado di Mexico, Eruviel Avila, a confirma na CNN en Español cu ta: 29 morto (3 a muri na hospital), 72 persona a keda herida, tin tres menor di edad herida, lo wordo traslada pa Texas (Merca) pa atencion medico pa e kemaduranan grave.
Te asina leu e vlamnan a wordo controla.
Autoridadnan ta investigando e causa di e incidente y a pidi personanan pa aleha di e luga. Ta un area densamente pobla hopi cerca di e Ciudad di Mexico.
E heridonan a wordo traslada pa e hospital di Lomas Verdes y hospital Magadela de las Salinas.
Habitantenan a comenta cu e suelo a tembla den e municipio y e zonido di e expolosionnan por a wordo scucha den pueblonan cercano.
Fuente: CNN en Español