TEL AVIV, Israel- Un explosion na Jaffa cu a costa bida di tres persona dialuna anochi, a wordo causa door di un cilinder di gas ilegalmente instala, sin e medidanan di siguridad necesario.
E cilinder a wordo poni net pafo di un tienda di verf, cu tampoco tabata cumpli cu e reglamentonan di siguridad.
E explosion a destrui e edificio totalmente, pero no a causa daño na tiendanan den bisindario. Ingenieronan tabata na e sitio pa controla esaki.
Autoridadnan a informa diamars cu e curpanan sin bida a wordo haya den e ruina di e edificio despues cu bomberonan a logra di paga e candela.
Den e candela aki, cinco persona a resulta herida, di cual un di nan a sufri kemaduranan serio, segun dokternan. E heridonan a wordo transporta pa hospital y varios a wordo trata door cu nan tabata den estado di shock. Dos di e heridonan leve tabata pasaheronan di un auto cu a pasa dilanti e tienda, na momento di e explosion.
Fuente: https://www.timesofisrael.com