HONOLULU, Hawaii- Al menos 13 persona abordo di un ferry turistico di e compania Lava Boat Tours a resulta herida dialuna na Hawaii, despues di cu’n explosion di alva a yega na e dak di e cabina di pasaheonan, segun autoridadnan local a informa.
Departamento di Tera y Recuso Natural di Hawaii a señala cu un di e individuonan a bordo a sufri un fractura na su pia y e otronan a resulta herida di kemaduranan. Sin embargo, ainda e grado di e lesionann no ta conoci, segun AP.
E lava a bin di e volcan Kilauea, cu ta den erupcion desde mei ultimo. Varios compania turistico a realisa excursionnan unda e bishitantenan a wordo hiba pa wak e lava cu ta sumergi den oceano. No obstante, funcionarionan gubernamental a adverti riba e peliger di yega cerca di e luganan aki, ya cu e interaccion di e lava cu awa por crea “nubianan di acido y glas fini”.