TENNESSEE, Merca- Un explosion a keda registra diahuebs den e planta kimico Wacker Chemical di Cleveland, segun informenan.
E agencia di Servicio di Emergencia di e condado di Bradley a pidi e residentenan pa purba na evita e zona di desastre. Ta trata aki di e di dos incidente cu ta sosode e siman aki den e mesun planta aki.
Detayenan di e incidente no ta conoci y tampoco e origen di e explosion. Mientras tanto, riba rednan social ta circula potret y videonan obteni den e zona, unda cu por mira un nubia grandi di huma ariba e planta.
Despues di e autopista I-75 tabata temporalmente cera door di autoridadnan, e trafico den e zona a sigui poco poco y cu hopi dificultad. Algun scol local a cera pa precaucion y a pidi mayornan pa bin busca nan yiunan.
Fuente: https://actualidad.rt.com/