Explosion den mina ta cobra bida di al menos ocho persona

0
RBC Juli 2018
Funmiles-2018

LA PAZ, Bolivia- Un explosion den un mina na Bolivia a laga al menos shete morto y mas di 15 herido. E suceso a keda registra diaranson den e localidad di Huanuni den e departamento di Oruro, na 130 km di La Paz. Esaki a keda confirma tambe pa e minister di e gobierno Boliviano, Carlos Romero.
“Pa 4 or di marduga, na momento cu e trahadonan tabata drenta e mina pa cuminsa cu nan trabaonan cotidiano, a tuma luga un explosion cual según informenan a causa morto di shete persona”, e minister a informa.
Di su parti, Felipe Martinez, e alcalde di Huanini, a indica na Radio Fides cu e “saldo di e explosion ta di ocho persona morto”, y el a señala cu e causa probabel di e desastre aki ta door cu’n truck cu tabata hibando explosivonan a bolter pa despues explota.
Cerca di cuarenta persona tabata den e interior di e mina na momento di e accidente. E heridonan a wordo transporta pa hospital di Oruso, mientras cu gobierno a manda un comision na e luga pa investiga. E comision ta conforma pa tecniconan den explosivo.

Fuente:https://actualidad.rt.com

Comments

comments

C: Heineken
new india