Explosion den local comercial den centro di Den Haag

DEN HAAG, Hulanda- Un explosion di awe diahubes marduga den centro di Den Haag a causa daño considerabel na un local comercial. Informacionnan no ta indica cu lo por tin personanan herida. Den e local tabata tin un peluqueria y un agencia di biahe.
E explosion den e local na skina di Hoefkade cu Jan Blankenstraat a sosode pa mas o menos 1 or y 30 di marduga. Door di e forsa di e explosion, tanto e bentana como e portanan a rementa. E caya ta yena cu glas. Varios vivienda a wordo desaloha.
Polis a cera e caya pa haci investigacion na e causa di e explosion y ta pidi testigonan pa tuma contacto cu polis.

Comments

comments