Un poco prome cu 8.30 di anochi a scucha un zonido duro den area di Calabas. E zonido a bini di un explosion.
Un señora a bay cende e stove y e explosion a tuma luga. Hopi lihe patruya, brandweer y ambulance a yega na e cas Bona Vista 48, Calabas. E señora a haya lesion na su pia y e mama a haya un bolobonchi na su cas ora cu algo a dal’e despues di e explosion.
Por a haya hopi holo di gas y por a compronde cu tin basta daño cu e.o. porta y bentanan kibra. E OVD di Cuerpo di Bombero y Ambulance a acudi na e sitio pa mira e situacion. E bomberonan a logra pa mayoria holor di gas sali for di e cas y evita mas peliger.