London, GRAN BRITANIA- Madeleine McCann ya tin como 10 aña perdi. Pero te ainda e buskeda na e criatura aki di tres aña na momento di su desaparicion ta sigui. Ministerio Britanico di Relacionnan Interior un biaha mas a pone 97 mil Euro disponibel pa Scotland Yard pa sigui cu e buskeda. Esaki no tin sentido, segun e experto Pat Brown, kende ta un crime profiler.
Maddie McCann, di tres aña e tempo ey, a disparce riba tres di mei 2007 for di su cas vacacional den e ciudad Portugues Praia da Luz, unda e tabata kedando cu su mayornan. Nunca mas a haya sa mas di dje. Na 2011 Brown a scirbi un buki relaciona cu e caso misterioso aki. El a studia e pruebanan cu tabata tin y a declara cu no tin sentido pa sigui cu e buskeda ya cu esaki lo no rebiba e criatura, Madeleine ta morto pa basta tempo caba.
Mayornan di Maddeleine ta insisti cu e mucha a wordo secuestra, aunke cu durante nan cena nan tabata check regularmente riba dje. “Un secuestro asina ta improbabel si wak e tempo, e pruebanan recogi na e sitio y tur e otro pruebanan”, segun Brown.
E crime profiler ta pensa cu mas sigur Madeleine lo a muri durante un accidente lamentabel pero cu su morto mester keda un secreto.