E desempleo masivo, e aislamento social y ansiedad ta pasando factura na persona rond henter mundo. Na Hapon, e estadistica di gobierno ta mustra cu e suicidio a cobra mas bida na october cu e Covid-19 durante henter e aña te cu fecha di awe.
E number mensual di suicidio a aumenta na 2153 na october, segun Agencia Nacional di polis na Hapon. E number total di fayecido pa motibo di Covid-19 ta 2087 persona segun e ministerio di salud.
Hapon ta un di e tiki pais cu ta divulga dato oportuno di suicidio. E datonan nacional mas reciente di Merca ta di 2018. E dato di Hapon por brinda otro pais informacion di impacto di medida di pandemia pa e salud mental y cua grupo ta mas vulnerabel.
“Nos no tabatin confinamiento y impacto di Covid ta un minimo den comparacion cu otro pais. Pero ainda nos ta wak e aumento di number di suicidio”, Michiko Ueda a bisa, profesor asocia cu Universidad di Waseda na Tokio y experto den suicidio.
Segun Ueda ta bisa cu esey ta sugeri cu otro pais por wak un aumento similar of mas grandi cu e number di suicidio den futuro. Persona cu a sufri cu nan salud mental den pasado, tin miedo cu e pandemia bolbe trece nan miedo intenso pa cay den pobresa.
E number di victima di covid entre hende muhe na Hapon a lucha durante mas tempo cu un cifra di suicidio mas halto na mundo, segun organisacion mundial di salud. Nan ta bisa cu e cifra halto ta compleho, diferente factor, manera trabou pa oranan largo, presion di scol, e aislamento social y stigma cultural na torno si salud mental.