Sra. Nayoemi van der Biezen, empleada di Fundacion Museo Arubano y e ta splica over di e ultimo Experience San Nicolas pa e aña aki.
E dia aki ta concentra ariba e tema di Pasco, caminda famia ta bin hunto. Lo kier ilustra esaki y celebra e prome aña di Experience na e rotonde di Nicolaas Store. Lo bay tin trein di Thomas, ta bay tin presentacion, arte, baile, we culture. Tambe grupo Melodia lo t’ey presente pa deleita un y tur cu e dushi musica di Pasco.
Specialmente pa e muchanan, a crea un kids corner, unda cu lo tin Dino Jump y tambe un Trampolin. Lo cera e cayanan pa asina tur hende por cana di museo pa museo den tur trankilidad y por gosa di evento aki.
Por ultimo, Sra. Nayoemi Van der Biezen a invita un y tur pa bin e actividad di Experience San Nicolas. Tambe el a gradici tur su sponsornan pa nan contribucion.