Experience San Nicolas tey un bes mas den cuadro cu celebracion di dia di tata. Ariba diadomingo 4 di juni 2017 ta tuma lugar e di seis edicion di Experience San Nicolas unda diferente lugar lo ta habri pa ofrece tur bishitante e oportunidad pa cumpra regalo pa tur e tatanan na Aruba . Bin participa na e diferente workshopnan special pa papa.
Durante e edicion di Dia di Tata, Cosecha su Creative Center ta ofrece un workshop di pinta cu verf. E biaha aki e pintor y muralista grandi di San Nicolaas, KienSang Lie-Kwie a.k.a. King, ta bay guia grandi y chikito pa pinta un piesa pa Dia di Tata. King ta yudabo pone bo ideanan riba papel usando tecnicanan di pinta y verf. E workshop aki ta completamente gratis. Ta bai tin verf y cartolina pa e articipantenan. Lo aprecia tambe si e participantenan por trece un cartolina. Tambe Cosecha kier invita publico pa pasa check un piesa di artesania of arte pa Dia di Tata den nos tienda. Riba e dia aki bishitantenan di Cosecha por participa cu e raffle di dia pa un gift card di Seasons & Beyond.. Bin pasa un tempo creativo y ameno na Cosecha na San Nicolas di 10.00 pa 14.00, workshop ta cuminsa 11.00.
Museum of Industry lo bay tin tournan special pa tur bishitante na mita prijs. Den cura di Museo ta ripiti un bes mas e workshop di mosaico bou guia di Sra. Enrita Werleman. Esaki ta un colaboracion di Espacio Azul y Ate Mosa. Pa reserva pa e workshop aki por registra yamando 5935509 of via [email protected]. Participacion na e workshop ta consisti di material, drinks, snack y tambe entrada pa e museo. E parti special ta cu tur tata cu bishita museo lo participa pa gana un premio special na cortesia di Clinicia Chiropractico Van Putten, Fresh CUTZ Barbershop, Kamini’s Kitchen y Jads Dive Center Aruba. E ganadornan lo wordo anuncia dialuna 5 di Juni via e facebook page di Museum of Industry.
“COMPARTIMI” lo ta tumando luga na Community Museum na unda e curator di Fundacion Museo Arubano , Sr.Renwick Heronimo, hunto cu Sr. Adolf “Dufi”, un historiado y escritor sigur conoci den nos comunidad, lo hiba tur presente bek den tempo y contesta e pregunta central “San Nicolas por a somenta?” Compartimi ta cuminsado 10:00am pa 12:00pm. Pa e evento aki ta necesario pa inscribi.
Cupo pa e charla ta limita. Por inscribi por medio di e-mail [email protected] of telefonicamente na 584-7090. Tin un contribucion cu ta inclui entrada pa Museum of Industry. Nos ta ofrece un pasa boca y algo di bebe na participantenan di e charla. Probecha e diadomingo aki pa pasa un rato ameno cu papi y siña mas over di nos herencia cultural.
E tienda y restaurantnan di semper lo ta habri riba e dia aki na San Nicolas. Esakinan ta entre otro Wema, El Gallo Rojo, Alankar, JM Enterprises, La Aruba, Joy’s Restaurant, Aruba Store, O’Niel Caribbean Kitchen y nos miembronan mas nobo Jads Dive center & Rum Reef Bar and Grill.
Subi e pagina di facebook di Experience San Nicolas, like nos y sigui nos asina keda bon informa kico ta pasa ariba e edicion aki di Experience San Nicolas “Father’s Day Edition”. Bin pasa dushi na San Nicolas y hasi bo compras pa dia di tata.