SMAC y Comision di Tumberito ta contento cu e total di 17 participantenan infantil y hubenil presentando riba escenario diadomingo 22 di Januari. Esunnan encarga cu e organisacion pa e festival aki tin basta tempo preparando pa Tumberito. Organisacion di e festival ta den man di Sra. Zuleika Wever y e director musical ta Sr. Rodney v/d Biezen. Ambos a traha cu hopi pasenshi y positivismo cu e muchanan. A pone un All-Star band hunto pa asina acompaña cada participante.
SMAC ta invita tur hende pa bin presencia e prome festival musical pa e muchanan cu ta Tumberito. Un anochi na unda fanaticada, amigo y famia completo por bin disfruta riba e ritmonan di Tumba. E aña aki lo tin un Kids Corner cu entre otro Dino Jump y popcorn. Bar y cushina lo ta bon surti y varia.
Por cumpra entrada ainda na oficina di SMAC na Weststraat 7, na balor di 5,- florin pa adulto y 2,- florin pa mucha. Oficina ta habri entre 3-7pm. Lo tin carchi obtenibel na porta y tambe cerca e participantenan. Tur e participantenan ta bon prepara pa duna e miho di nan mes riba escenario.
Cu esaki, Comision di Tumberito ta publica e nomber y Tumba di cada participante den categoria infantil y hubenil pa diadomingo awor.
Lo tira lot pa secuencia, prome cu e festival cuminsa diadomingo anochi. Portanan ta habri for di 6’or y lo termina cu nos Rey di Tumba Jerrino “Bass” Ridderstap y D’Liscious!
SMAC, Comision di Tumberito y tur e participantenan ta spera un publico grandi den Aruba Entertainment Center!TumberitoListadiParticipante2017.docx