Exitoso Tryout di hisamento di peso

Enconecion cu celebracion dia di Betico Croes, Aruba Amateur Weightlifting Association a tene nan prome Tryout di hisamento di peso esaki a tuma lugar den Compleho Deportivo Frans Figaroa na Noord.
diadomingo 26 januari 2020. E competencia aki ta pa wak si e atleta nan ta den bon condicion y tambe si nan a progresa den e deporte di pesas.

Den e Tryout aki tabata tin participación di atleta di TNT Gym, Eximious Barbell Club y Paradise Strength Aruba. Tur e tres club nan tabata tin atletanan masculino y femenino. Den un bon ambiente y bon motiva y anima e atletanan a start e competencia pa 10:00 mainta cu e atletanan femenino sigi pa e masculino nan.

Aki ta sigi e resultadonan den categoría di femenino y masculino.
Den categoría femenino 49kg Sharisselie Vrolijk ta logra hisa den snatch 40kg y no por a logra pone un total. Den categoría youth 59kg Carol Tavarez di 13 anja ta logra pone un total di 50kg cu e total aki Carol ta kibra su record personal cu 4kg. Shouheila Wegereef den categoría di 64kg ta hisa un total di 125kg cu esaki Shouheila ta kibra su record personal cu 7kg. Den categoría di 71kg tabata tin 3 atleta esun cu a termina cu e mihor total ta Nicole Dijkhoff cu 145kg, secundo lugar a bai pa Bobby Geurts cu un total di 138kg y tercer lugar a bai pa Gianina Medina cu un total di 130kg, cu e total aki Gianina ta kibra su record personal cu 7kg. Den categoría di +87kg tabata tin dos atleta. Prome lugar a bai pa Rudselyne de Kort cu a total 160kg y secundo lugar a bai pa Dianie Croes cu un total 150kg tambe cu e total aki Dianie ta kibra su record personal cu 2kg.

Den masculino den categoría di youth 49kg Travor Faro di apenas 13 anja ta pone un total di 78kg cu e total aki Trevor ta kibra su record personal cu 12kg. Den categoría di 81kg tabata tin cuatro atleta aki Yunez Guzman ta logra prome lugar cu un total di 220kg, secundo lugar a bai pa Jean Pierre van der Lak cu total di 210kg, tercer lugar a bai pa Jonathan Bocanegra cu un total di 185kg y cuatro lugar a bai pa Dylan Liedemooij cu ta hisa pa prome biaha ta logra un total di 150kg. Den categoría di 89kg tabata tin dos atleta prome lugar a bai pa Laertes Araque den Youth ta logra di pone un total di 230kg y secundo lugar a bai pa Jeremy Dijkhoff den youth di apenas 15 anja ta logra pone un total di 210kg y por ultimo den categoría di 96kg prome lugar a bai pa Rodney Marugg cu un total di 225kg.

Aruba Amateur Weightlifting Association kier a manda palabra di pabien na tur e atletanan cu a logra kibra nan record personal y na esun nan cu ta participa pa prome biaha den e Tryout. Ta gradici Eximious Barbell Club, Paradise Strength Aruba y TNT Gym pa nan participación, entrenadornan, referee’s y tambe tur e voluntarionan cu a juda den e Tryout aki.

Comments

comments