Director di Fundacion Rancho, sr. Clifford Rosa, ta comenta cu tur donacion p’e fayecido ambulante Ski a wordo uza manera debe ser.
Fundacion Rancho a haci e anuncio pa recaudacion di fondo p’e entiero di e fayecido adicto ambulante Ski y nan a menciona e deseo di yega Afl. 10.000,- pa por cubri tur e gastonan. Nan a logra e meta cu aporte di diferente persona y compania. Nan ta contento con e recaudamento di fondo a bay p’asina evita cu otronan mester carga e gastonan aki. Comunidad a responde tremendamente pa cu esaki y e famianan di e difunto no tin niun gasto na e entiero.
Dos instancia a deposita sumanan cuantioso directamente na Aurora tambe. Hunto cu locual nan a recauda, nan por cubri tur e gastonan na Aurora. Awo nan ta hincando cuanto e suma total ta, con el a wordo reparti, y kico tur a sosode den un raportahe pa despues nan sigui cu e proximo paso cu ta determina kico lo sosode cu e resto di e fondo.