Recientemente e miembronan di ekipo na Hilton Aruba Caribbean Resort & Casino a wordo invita pa bishita e Morris Lapidus ballroom durante oranan di trabao pa asina haci compras pa Dia di Mama y Dia di Tata den tur comfortabilidad di e hotel.
Tabata un iniciativa di parti di e Departamento di Recurso Humano cu a tuma contacto cu varios negoshi pidiendo nan apoyo pa e gran benta interno akinan.
E negoshinan a contesta cu entusiasmo y nan tabata Duty Free DUFRY, Maggy’s Beauty Emporium, Op = Op Beauty, Health & Household, Eforea Spa di hotel mes y Kok Optica.
E evento tan spera a wordo bon ricibi pa e miembronan di ekipo cu a pasa dushi ta shop e surtido amplio di producto na prijsnan rasonabel, manera colonia, productonan cosmetico, joyas, tas, bril di solo di marca y articulonan pa cuido di e piel cual ta lagabo mustra mas verzorgd durante trabao y pafor di trabao. Hopi di e miembronan di ekipo a probecha di e oportunidad pa shop sin tin cu sali di e hotel.
Glenn Farro, director di Recurso Humano a informa cu e iniciativa util akinan ta alivia e presion di haya un regalo na tempo aparte di pone e miembronan di ekipo sinti special mientras nan ta disfruta di un experencia unico.