Diabierna 31 di Augustus Cosecha Oranjestad conhuntamente cu Taste my Aruba a organisa un biaha mas “Under the Stars”.
E edicion aki a wordo dedica na nos musiconan y ta pesey mes Edjean Semeleer a presenta conhuntamente cu Jeanedy Semeleer y Jadrick Croes. E anochi aki tawata yena cu ambiente cu un variacion di cancionnan di nos Arubianonan cantando bou palo den seno familiar. P’esey mes nos kier a gradici Go Cultura Foundation pa nan colaboracion.
E anochi aki tawata tin diferente artesanonan cu SEYO presente manera Gloria Filiciana cu ta traha diferente joyas di seaglass, Nanda breamer cu ta traha diferente producto di driftwood, Naomi Landgraf cu sa casnan traha di klei y mucho mas.
Tambe miembronan di United Farmers Aruba a participa na e mercado, manera UFAruba, Cunucu297, Goshenaruba, 297Farm y Ecolivingaua. Por bisa cu nan tawata tin un variedad amplio di nan mesun cosecha y tambe a haci e demostracion pa asina trece mas conscientisacion riba e tereno aki.
Cunuco Mondi Fierno, Aruba Roasting Company, CC Bath and Body manera semper tey presente cu koffie traha na Aruba, biña traha na Aruba, habon traha na Aruba y naturalmente Taste my Aruba a ofrece diferente cuminda criollo.
Un danki un biaha mas na tur cu forma parti di e mercado y tur cu a sostene e evento local aki. Tambe ta gradici Minister Lampe cu a pasa un rato na “Under the Stars” pa sostene e evento local aki. Keda pendiente pa e edicion di October cu lo ta 26 di October 2018.
Pa mas informacion bishita e Facebook page di Cosecha: www.facebook.com/Aruba-Cosecha of pasa cercanan na Oranjestad of San Nicolas, e empleadonan ta cla pa yuda bo y conta bo un tiki mas di cada producto.