Na Renaissance Convention Center a tuma luga e Job Fair Aruba Food & Beverage association hunto cu DPL. Riba diamars mainta e convention center tabata yen di hende buscando opotunidadnan nobo pa trabao. E actividad a cuminsa banda di 11am y e oportunidad pa awe ta keda habri te cu 7pm.
A participa mas di 50 compania y tabata tin mas di 400 cupo di trabao riba e dia aki unda cada persona ta wordo atendi debidamente y asina a haya e guia y oportunidad di por aplica directamente serca e empresa.
Tambe tabata tin barios scolnan cu asisti riba e mainta aki, nan a wordo invita pa motiva e estudiantenan y pa nan a ser conoci cu e industria, cual ta permiti e estudiante analisa si tin e pasion pa sigui siña di e industria di F&B. ainda pa e persona nan cu no a logra bay na e Job Fair pa algun motibo por bishita e pagina web: jobfairaruba.com, esaki ta keda activo y e personanan por manda nan informacion pa haya acceso na e puestonan habri.