Den e weekend tras di lomba tabata di bishita na Aruba e ekipo di Souax Softball Team procedente di nos hermana isla di Corsow kendenan a bini specialmente pa hunga algun wega di fogeo contra e ekipo Pink Sox di Aruba. E dos dianan di fogeo a tuma lugar tanto diasabra como diadomingo riba tereno di baseball/softbol na Pos Chikito.
Mas cu 30 hungador femenino di Corsou den e categorianan di menor, mayor y senior a bin Aruba pa e encuentro aki. Mas cu claro esaki ta un tremendo iniciativa unda nos hungadonan por hunga weganan di fogeo pa asina midi nan mes cu hungadornan di otro pais y alabes esaki ta fungi como un bon experiencia mirando cu e ta keda un wega riba nivel internacional. Semper ora e atletanan mas hoben participa na un evento internacional nan ta masha entusiasma mientras e gana di presta y luci ta keda un punto cardinal.
Un danki sigur na Lotto, e Loteria di Aruba pa medio di Comision di Subsidio a yuda contribui cu e wega di fogeo entre Aruba y Corsou den Softbol femenino di Little League.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.