Diasabra anochi den un Renaissance Convention Center completamente yen Fundacion Movemento ta Bida a tene su songfestival 60+ hunto cu e Nochi di Baliadornan.
Tur cantante cu a participa a duna un show perfecto di nan talento acompaña pa Papito y su Biba Lekker Band Plus. Henter e songfestival tabata bon hinca den otro door di e maestro Roy Sneek cu durante 5 luna a prepara tur e cantantenan.
Un momento sumamente bunita tabata ora cu Roy Sneek na final di e festival a canta e cancion di Sr. Michael Kuiperi “Ora bo’n tei”. Un composicion di Sr. Michael Kuiperi cu debi na su salud no por a participa na e festival. Roy a yama Michael bin ariba stage y hunta nan a canta e precioso cantica aki.
Despues di e festival “ Back On Track” y BADU a sigi toka y a deleita e publico cu a keda yena e pista te final di e anochi.
FMTB kier a gradici tur esunnan cu a bin e anochi aki y tambe Guardian Group cu a sponsor tur Plakkaat pa e ganadonan y Manrique Capriles cu a regala cada participante un bunita recuerdo. Tambe FMTB kier a gradici e huradonan cu tabata consisti di artistanan 60+ : Elizabeth Pope, Faritah Luidens, Len Johnson, Efraim Antonio,Jack Tromp. President tabata Raquel Koolman y IT person tabata Shirley Pope.
E resultado ta lo siguiente:
E Cantante mas popular: Emma Croes
Best show: Ludwina Geerman
5 Luga: Rita Thomas
4 Luga: Ludwina Geerman
3 Luga: Margarita Roza –Christiaans
2 Luga: Marieta Jansen
1 Luga: Emma Croes
Un pabien ta bay pa tur e ganadonan /participantenan y esunnan cu no a haya chance pa participa e anochi aki cuminsa prepara pa otro aña.