Recientemente Boekhandel Van Dorp Dakota tabata yen yen di mucha cu a bin pasa un rato ameno cu autornan di Festival di Buki pa Mucha 2016 y cu algun contador di storia (oma’s en opa’s).
E busnan di Kinikini Tours a percura pa transporte di 24 mucha di Scol Hilario Angela y 24 mucha di Colegio Sagrado Curason.
E muchanan aki hunto cu 20 mucha di padvinderij di Theresita groep di San Nicolas tabata invitadonan special di Van Dorp e merdia ey di 12or pa 2.30.
Di 2.30 tabata tin dos otro grupo. Tambe Kini Kini Tours a zorg pa transporta 24 mucha di Rosa College y 24 mucha di Pius X School. Tambe nos tabata tin bishita di hopi mucha mas hunto cu nan mayornan.
Di 12or pa 2.30 nos tabata tin Dolfi Kock y Belen Kock-Marchena. Kin Kin e payaso cu tambe a entretene e muchanan. Sr. Leo Regals di Corsou. Irmgard Frans di Aruba y Indra Hu y Sandra Puperhart.
Den e di dos parti di 2.30 pa 5or tabta tin: e contado di storia Boedoem y tambe Ruth Vrieswijk. Monica Clarinda di Boneiro, e ilustrador di e buki di regalo di siman Sr. Rudyomar Leysner. Y pa sera nos tabata tin Liliana Braamskamp Erasmus y Jeroen Hoogerwerf. Como sorpresa nos tabata tin presentacion di Tio Ali di Corsou.
Nos kier a corda tur mayornan ariba e cariño di Festival di Buki pa Mucha e buki “Super wela den coma” di e autor Fred Diks y traduci na Papiamento pa Lilian Semeleer y ilustra pa Rudyomar Leysner. Cu compra di 25 florin na un buki di mucha ta haya e buki aki regalo.
De Wit & Van Dorp Stores ta un compania local cu ya ta forma parti di comunidad di Aruba pa mas di 65 aña. Pa cualkier producto di scol, oficina, co’i hunga of buki, pasa libremente na cualkier di nos sucursalnan Aruba Post na San Nicolas, VanDorp na Dakota y tambe den DeWit Books & Gift den Caya Grandi. Corda bishita nos pagina di facebook DeWit VanDorp y keda bon informa.