Na Centro di Bario Playa tabatin e clausura di e curso di manicure y pedicure. Un curso cu sigur tabata un exito. Di e 10 cursista cu a inscribi solamente 1 a cay afo y esaki tabata pa motibo di trabou. E curso tabata bou di direccion di Sra. Gilmar Salazar. Hopi atencion a wordo poni tanto riba e parti teoria como practico. E curso a termina cu entrega di certificado. Na e ocasion aki presidente di Centro di Bario Playa Pabao, Sr. Dennis Burke, a gradici Sra. Salazar pa e manera di a duna e curso y tambe pa e manera cu a negocia pa e curso tuma luga. Tambe Sr. Burke a felicita cursistanan cu nan certificado. Sr Burke tabatin admiracion con e cursistanan a participa na e curso cu nan no tabata falta les. Tambe el a nota cu cusistanan ya tabatin nan maletin cu productonan pa practica manicure y pedicure. E di dos parti di e curso ta cuminsa otro siman. Na e curso aki solamente esunnan cu a ricibi nan certificado di e prome parti por participa. Si tin interes pronto lo ripiti e prome parti. Esunnan cu ta interesa por yama telefon 583 7775 y puntra pa e “activiteiten begeleider” pa mas informacion. Esunnan cu a ricibi nan certificado ta: Sra. Ciria Lozada-Quandus, Sra. Laetita Hodge, Sra. Marline Dijkhoff, Sra. Stella S. Vrolijk, Sra. Gladys Pareja -Andrade, Sra. Maricel Pareja- Andrade, Sra. Jennifer Castillo-Ras, Sra. Mary-Jane Henriquez y Sra. Shadira Blanco-Clarissa.