GRONINGEN, Hulanda – Un ex trahado di Rijksuniversiteit di Groningen, a haya un condena di tres aña de prizon (di cual seis aña condicional), debi na corupcion. El a traha como hefe di mantencion y a otorga contratistanan preferi trabaonan di mantencion riba e universidad.
E homber di 66 aña y su famia tabata wordo paga pa e companianan aki. Fuera di esey, e tabata regla pa su yiu homber y su nuera traha na e companianan aki. Nan salario lo a wordo paga pa e Universidad. E homber tabata falsifica tur clase di factura.
“Puro interes personal”
E homber, kende tabata den servicio di e Universidad pa por lo menos 40 aña, tambe mester paga un daño y perhuicio di 450 mil euro, hues a dicta.
Corte ta haya cu e manera coruptivo cu e homber a maneha su trabao, el a haci’e pa puro interes personal y door di esaki a daña e confianza di e universidad y di e comunidad. El a wanta esaki pa basta tempo, mientras tanto e tabata tin toch suficiente tempo pa e por a stop.”
Castigo pa complicenan
Cinco sospechoso, entre otro su yiu homber y su amiga, tambe a wordo sentencia. E yiu homber di e sospechoso principal, a haya 2 aña, di cual 6 luna ta condicional y mester paga daño y perhuicio di 170 mil uro. E aiga a haya un castigo di prizon condicional di 6 luna y tin cu paga 70 mil euro.
Fuente: www.rtlnieuws.nl