BONN, Alemania- Reinhold Hanning kende aña pasa a wordo condena pa e asesinato di 170 mil persona den e famoso campo di concentracion di Auschwitz, a fayece na edad di 85 aña, sin cu un dia el a pasa un solo dia di su bida den prizon.
Segun confirma pa su abogado, Hanning a fayece diamars ultimo, un aña despues di a wordo condena pa su participacion den e asesinato sistematico di miles di persona durante e regimen Nazi. Sinembargo, nunca el a drenta prizon, ya cu e tabata tin pendiente un resolucion di apelacion presenta dilanti di Tribunal Supremo.
Na Juni 2016, e tribunal di Deltmond, Alemania a condena Hanning na cinco aña di prizon despues di su huicio di cuater luna, unda cu a skucha diferente testimonio di e sobrevivientenan.
Hanning a drenta voluntariamente den e organisacion di SS ora cu ela cumpli 19 aña y na 1943 el a wordo manda Auschwitz unda, segun e parti acusatorio, el a bira complice di e morto di mas di 170 mil persona. Segun testigonan, e ex- guardia a participa den e vigilancia y seleccion di e prizioneronan ora cu nan yega e campo y tabata wordo hiba e camber di gas.
Thomas Walther, abogado di mas di 20 demandante den e caso Hanning, a sigura cu e tabata decepciona cu e ex- guardia a fayece prome cu el a wordo condena. “Si e poder hudicial no a mantene silencio durante varios decada, e ora no esaki lo no tabata un decepcion”.
E huicio di Hanning probablemente lo ta un di e ultimonan cu ta wordo celebra relaciona cu e crimennan Nazi. dos aña pasa, Oscar Gröning, otro anciano di 94 aña cu a traha como adminstrador na Auschwitz, a wordo acusa di tabata complice den e asesinato di mas di 300 mil persona.
Fuente: www.rt.com