Silvio Berlusconi, e ex- Prome Minister Italiano, lo wordo husga pa supuesto casonan di corupcion den casonan hudicial. E ta wordo acusa di a paga varios hoben cu a participa den su fiestanan pa nan duna falso testimonio den Corte.
Asina e hues den Prome Instancia, Carlo Ottone De Marchi, a dicta diasabra, despues di a acepta e peticion di Ministerio Publico, cu a aacusa Berlusconi di duna pagonan den efectivo na vario dama pa no declara den su contra.
Ministerio Publico ta di opinion, cu e pagonan di Berlusconi tabata sumanan cu tabata varia entre dos mil pa tres mil euro pa varios mucha muhe pa participa den su fiestanan. E caso a wordo denomina como proceso “Ruby”.
E nomber “Ruby’ ta bin di e nomber di e hoben Maroki Karima el Mahroug, miho conoci como Ruby cu e politico a mantenen relacionnan sexual tempo cu e hoben tabata menor di edad. El a wordo husga pa prostitucion infantil y abuso di poder, aunke Berlusconi a sali liber door di no tabata sa di e edad di e hoben.