Internacional: Diamars 15 di april corte Peruano a condena ex presidente Ollanta Humala (2011-2016) na 15 aña di prizon pa labamento di placa. Segun e sentencia di corte, Humala a ricibi contribucionnan ilicito di e presidente Venezolano di e tempo ey Hugo Chávez y e compania Brasileño di construccion Odebrecht pa financia su campañanan presidencial na 2006 y 2011.
Nadine Heredia, pareha di Humala y ex prome dama, tambe a wordo haya culpabel di e mesun delito y sentencia na 15 aña di prizon pa dirigi e campañanan electoral ey.
E sentencia aki ta conclui un huicio cu a dura mas cu tres aña a cuminsa, segun e medio di comunicacion Peruano menciona anteriormente, dia 21 di februari 2022.
