LIMA, Peru- E ex presidente di Peru, Alan Garcia a fayece diaranson den oranan di merdia.
Alan Garcia a tira su mes den cabes, despues cu polisnan a yega su cas na Miraflores, pa haci un inval y cu orden di detencion contra di Garcia.
E ex mandatario a wordo transporta for di su cas cu urgencia pa hospital y el a wordo interna den e hospital Casimiro Ulloam.
Garcia tabata wordo investiga pa agentenan di Division di Investigacion di delito di Alta Complehidad despues di cu e Poder Hudicial a aproba e peticion di Ministerio Publico pa detene pa un plaso di 10 dia.
Genaro Velez abogado di Alan García a confirma na El Comercio di cu e ex presidente ta interna pa un lesion. Pero e no tabata kier a duna mas detaye.ya cu e tabata na caminda pa hospital.
Fuentenan di El Comercio ta indica cu e ex presidente ta tira su mes den cabes y a wordo opera urgentemente.
Trempan den dia, e minister di Salud, Zulema Tomas, a informa cu e estado di salud di e ex presidente Alan Garcia “ta delicado”.
El a agrega cu e ex mandatario a sufri “tres paro cardiaco” y su situacion ta grave”, el splica .
Informenan ta indica cu pa 6 or y 25 di mainta un ekipo di oficialnan di polis a yega su cas cu’n peticion pa haci un inspeccion di su cas. Despues e ekipo a pidi e ex presidente pa el a bin abao pa motibo di un orden di detencion den su contra. Nan a agrega cu Garcia a comunica cu su abogadonan y despues a scucha un tiro.
Abogado di Alan Garica, Erasmo Reyna, a confirma cu su cliente a tira su mes poco prome cu polis a drenta su cas na Miraflores.
Hunto cu Garcia, a duna ordo pa detencion di Luis Nava, secretario presidencial bou di gobierno di Alan Garcia y Miguel Atala, ambos colaboradonan cercando di e ex presidente y señala como su ‘stroman’.
E situacion legal di Garcia a complica despues di cu diadomingo ultimo a sali na cla cu e compania Odebrecht den cuadro di colaboracion cu e tin cu husticia Peruano, a revela cu Nava y su yiu, Jose Antonio Nava, a ricibi 4 miyon dollar for di e empresa pa logra e contract pa construccion di e Liña 1 di e Metro di Lima.