WASHINGTON, D.C, Merca – E di 41 presidente di Merca, George W. Bush, cu a goberna Merca entre 1989 y 1993, a asumi e mandato di e pais e mesun aña cu e Muraya di Berlin a cay y den politica mundial, bientonan di cambia tabata supl.a Cu e demolicion di e barera iconico a disparce, no solamente e division Inter Aleman, sino tambe e simbolo fisico di e Cortina di Hero y e Guerra Frieu.
Poco despues, George H.W. Bush a bira e presidente Merca cu a wak e fin di e guerra frieu. Ya den e cumbra di Malta na 1989, cu e presidente Sovietico di e tempo ey, Mijaíl Gorbachov, Bush a expresa su speransa di transforma e relacionnan entre Oirental y Occidental den un relacion di “cooperacion di duracion largo” y establece “un pas duradero”, mientras cu Gorbachov a sigura cu su homologo cu e nunca e lo cuminsa un guerra frieu contra di Merca.
Loke Gorbachev a describi den e reunion ey como “e principio di un caminda largo pa un era pacifico y duradero” lagando den pasado “e menasa cu forsa y desconfiansa, e lucha ideologico y psicologico”, a bira despues e Tratado dia Reduccion di Armanan Strategico, firma na 1991 pa ambos presidente.
Despues di e caida di URSS, Bush y presidente di Rusia, Boris Yeltsin, a firma un declaracion conhunto na februari 1991 cu oficialmente a pone un fin na e Guerra Frieu y e carera armamentistico peligroso entre e dos superpotencianan.
E ex presidente di URSS a expresa su condolencia na “famia di George Bush y Merca completo” pa e morto di e di 41 presidente di Merca. Den un entrevista cu Interfax, Gorbachev a destaca e aporte di Bush den e “logro historico” di caba cu e Guerra Frieu.
“Nos a traha hunto den algun ocasion den e añanan di cambionan grandi. Tabata un epoca dramaitco cu e rekeri di un gran responsabilidad di nos tur. E resultado tabata e fin di e Guerra Frieu y e carrera armamentista”, e ex mandatario Sovietico a comenta.
“E tabata un berdadero socio”, Gorbachev a describi Bush, sigurando cu “e recuerdo di George Bush, un politico y homber, lo keda pa hopi tempo den e curason di hopi”. E ex presidente di URSS a agrega cu e hunto cu su casa tabata aprecia hopi e “atencion, e bon boluntad y simplicidad den e trato, tipico di George y Barbara Bush, di henter su famia grandi y uni”.
Guerra di Golfo
E politica exterior durante e presidencia di George H. W. Bush tabata marca tambe den e participacion di e tropanan Mericano den Golfo contra Irak na 1991, ora cue lider Iraki Sadam Hussein a invadi Kuwait, rico na petroleo, un aña prome. E respuesta firma di Bush y e victoria di e forsanan cu a logra expulsa e Irakinan for di Kuwait a genera un berdadero euforia nacional na Merca, hisando e popularidad di e presidente.
Na december 1989, Bush a participa den e derocamento di e dictador militar Panameño, Manuel Noriega, cu a wordo aresta y acusa di narcotrafico y crimen organisa. E invasion di Merca dne cuadro di e operacion yama Causa Husto tabata tin varios victimanan mortal, cual cantidad exacto te dia di awe no ta conoci y ta varia, segun calculonan di diferetne organisacionnan y entidad, di entre 341 y 7 mil.
Den politica interior, sin embargo, Bush a faya su votadonan, kibrando un promesa electoral di no subi e impuestonan. “Lesa mi lipnan: no mas impuesto” a bira e lema di su campaña presidencial, pero a yega ta na solamente un recordatorio amargo di un promesa no cumpli.