CAIRO, Egipto- E ex presidente Egipcio Mohammed Morsi, prome lider Egipcio eligi democraticamente, a fayece. Esaki segun informenan di medionan estatal Egipcio.
Morsi tabata tin 67 aña.
E ex president tabata den corte y su peticion pa duna declaracion a wordo acepta. Unabes cu e corte a suspende e sesion, el a cay flauw y ta fayece, medionan estatal a sigui bisa.
El a wordo transporta pa hospital y medidanan necesario ta wordo tuma, segun informenan.
Morsi a nace dia 20 di augustus 1951, aunke algun fuente ta bisa cu e fecha ta 8 di augustus, na Sharqiya, Egipto.
Na 2012, el a bira e prome president eligi democraticamente na Egipto. Algo mas di un aña despues, el a wordo deroca pa un golpi militar na juli 2013.