CARACAS, Venezuela- E ex presidente di Petroleos de Venezuela (PDVSA), Rafael Ramirez a sigura diaranson cu Nelson Martinez, cu tambe a presidi e estatal petrolero a fayece na Caracas despues di tabata deteni na e Dirección Nacional de Contrainteligencia Militar (Dgcim).
Ramirez a informa di e hecho aki riba su cuenta ofical di Twitter.
Mester recorda cu, riba ordo di Ministerio Publico, Martínez a wordo deteni dia 30 di november di 2017 pa su presunto vinculacion den e firma di un contract di refinanciamento di e deuda di e compania Citgo. E ex presidente di PDVSA ta wordo acusa di e.o. di organisa conciertonan cu fondo publico y legimitacion di capital. Tambe di incumplimento na e regimen di e pais. Y tameb di e uzo indebi di sistemanan di informacion cu lo por haci daño na e industria petrolero.
Martínez a drenta PDVSA na 1980 y e tabata director di e oficinanan di e compania na Londres, Argentina y Ecuador. E tabata presidente tambe di PDV America. Na 2013 el a wordo nombra presidente di Citgo.
Na januari aña pasa el a wordo nombra como minister di Petroleo y na augustus el a wordo poni na mando di PDVSA na luga di Eulogio del Pino, cu tambe a wordo deteni na november y cu ainda ta preso.