RIO DE JANEIRO, Brazil- Ex- presidente di Brazil, Luiz Inacio Lula da Silva, a participa den e caso di corupcion di Petrobras cual ta bou di investigacion oficial. Esaki segun un ex- ehecutivo di Petrobras a bisa diabierna.
Renato Duque, cual tabata un ehecutivo halto den e compania petrolero estatal, a testigua den corte di hues Sergio Moro. El a confesa cu e presidente no solamente tabata sa di e schema, pero cu el a forma parti den esaki y cu hasta el a hunga un rol importante den esaki.
Den su testimonio, Duque a bisa cu el a topa cu Lula tres biaha entre 2012 cu 2014 ora cu Lula no tabata presidente mas y Duque a renuncia na su puesto na Petrobras.
E ekipo di defensa di Lula a nenga tur acusacion y a bisa cu no tin prueba cu e ex- Presidente a forma parti di cualkier irregularidad, incluyendo e schema di corrupcion di Petrobras.
Lula ta wordo acusa di soborno incluyendo un apartamento luhoso na Sao Paolo. E investigadonan a bisa cu su casa Marisa Leticia Lula da Silva tambe ta envolvi. Brazil ta den garanan di e schema di corupcion di Petrobras y un investigacion extenso a wordo lansa, conoci como “Operacion Car Wash”.
Fuente: WN
E accion a bin despues cu e ex- ehecutivonan di e gigante di petroleo Petrobras a lansa un serie di contractonan den sector publico pa asina cu tanto compania como e gobierno por a hinca miyones di dollar den fondonan publico.
Mas di 80 oficialnan di gobierno a wordo poni bou di investigacion pa supuesto envolvimento den e schema di Petrobras.