BUENOS AIRES, Argentina- E hues federal Claudio Bonadio a pidi autorisacion di Congreso pa haci un inval na e casnan y oficina di ex president di Argentina, Cristina Fernandez. E ta forma parti di un causa cu ta investiga si el a forma parti di un red di soborno na empresario y funcionarionan di su gobierno.
Segun fuentenan hudicial a declara na La Nacion, cual ta e corant cu a haci e investigacion periodistico den e supuesto soborno, cu a termina den un causa hudicial, Bonadio ya caba a firma e peticion y Congreso lo mester duna su aprobacion pa haci e inval, ya cu Fernandez ta conta cu inmunidad parlamentario.
E expresidente di Argentina Cristina Fernandez ta meti den un scandal di corupcion cu e corant “La Nacion” a destapa despues di a haya ocho schrift cu adresnnan pa hiba y trece informaciona, como tambe placa por medio di Oscar Centeno, chauffeur di Roberto Barattam, fuertemente liga cu kirchnerismo.
E ex mandatario ta sigura cu esaki ta un cortina di huma pa sconde e crisis economico cu Argentina ta bibando y su posibel candidatura presidencial nobo.