Corto despues cu Ex Prome Minister Mike Eman a drenta den un acuerdo cu un agencia di oradornan pa conferencianan internacional, e ex mandatario por a conta cu interes positivo den su participacion na conferencianan internacional riba e tema di sostenibilidad.
Energy Summit 2018 BERMUDA.
Ministerio di Energia di Bermuda a acerca exProme Minister Mike Eman pa ta e “keynote speaker” na un conferencia riba tereno di sostenibilidad y “resiliency”, specialmente riba e area di energia renobabel. Bermuda kier amplia su uso di energia alternativa, especialmente solar. Den esaki nan ta mira cu hopi admiracion e progreso cu Aruba a haci e ultimo añanan riba e tereno aki y specialmente e liderazgo cu e tempo ey Prome Minister Mike Eman a demostra pa pone e meta aki den un vision integral cu hopi progreso den un corto tempo. “Nos na Bermuda a acerca Eman, como e motor tras di “Green Aruba”, pa comparti e experencia di Aruba cu nos. Esaki e Directora di e Departamento di Energia, Sra. Jeane Nicolai a expresa. Sra. Jeane Nicolay a yega di bishita un Green Conference na Aruba y a keda hopi impresiona cu tur locual Aruba a alcansa riba e tereno di conversion di energia convencional pa energia renobabel. E keynote speech di Ex Prome, Minister Mike Eman lo ta dia 15 di November na Bermuda.
The Caribbean Sustainable Energy Forum (CSEF) BELIZE.
Esaki ta un evento di Comunidad Caribense den cual personalidadnan clave nacional y internacional, di sector publico y priva, ta haci un inventarisacion y alinea nan esfuersonan pa stimula e uso di energia alternativa den Caribe. E Conferencia lo tin participacion di funcionarionan y personalidadnan cu tin influencia y experiencia riba e tema di energia alternative. Ex Prome Minister Mike Eman aki tambe a worde invita pa tene un Keynote speech riba e experencia di Aruba y e “Green Aruba” vision. Eman lo haci su presentacion na Belize dia 19 di November.