Ex politico Carl Giel ta lamenta cu nan a mancha su nomber durante fin di siman cu e lo mester tabata ta riba lista di AVP pero esaki no ta berdad.
E ta splica den un entrevista cu diabierna mainta el a hay’e cu e sorpresa cu el a haya diferente yamada. Normalmente e ta lanta tempran y e dia eynan, el a haya cantidad di yamada, riba Facebook el a haya mensahe, etc. E no a tum’e na malo. El a keda hopi contento cu e atencion cu el a haya pasobra, si nan no ta papia dibo, bo tin un problema. Si nan ta papia dibo, ta pasobra cu bo t’ey, bo ta haci algo cu ta bon.
Giel a indica cu e ultimo declaracion politico el a duna na November 2013. Pa e aclaria tur cos di loke a pasa, den ningun momento el a lansa su mes como politico activo. El a retira di politica activo na 2013. Den esey, como ciudadano e por bay sostene ken cu kier y para saca potret cu ken cu e kier.
El a reuni cu tur partido politico, menos CURPA, menos UPP y RAIZ. MEP tambe a manda un comision pa sinta cun’e. El a reuni cu tur y a dicidi cu e no ta bay eleccion e aña aki, cual decision a wordo tuma di tempran y a dicidi di sostene un partido y esey ta e partido den Gobierno actual y e ta sosteniendo un persona tambe, cual ta e prome minister.
Sacando un potret no ta un declaracion publico cu el a drenta politica. Hendenan a saca conclusion y nan a saca e conclusion robes tambe di cierto cosnan. Hopi biaha un hende no ta acerca un persona y puntr’e kico ta pasando, kico ta bay haci, kico e intencionnan ta. Giel no a bin bek den politica, el a ripiti. Si e bin bek den futuro, Dios so lo sa. Si dun’e bida y salud y si tur cos ta marcha manera cu e kier, posiblemente, el a indica.