CHICAGO, Merca- Diabierna Corte Criminal di Leighton, Chicago a condena Jason van Dyke, na 6 aña y 9 luna di prizon. Van Dyke ta un ex polis cu na october 2014 a tira un hoben Afroamericano, Laquan McDonald, mata.
Aña pasa Van Dyke a wordo acusa di homicidio no premedita y di 16 cargo di agresion agrava, un pa cada bala cu el a tira ariba e victima. Durante e huicio varios automobilista a declara cu den e añanan anterior di e tiroteo Van Dyke tabata uza lenguahe racista y forsa excesivo durante controlnan di auto.
E pena dicta pa e ex polis ta menos di mita di loke Ministerio Publico a pidi, cual tabata di 18 y 20 aña. Sin embargo, esaki tampoco ta satisface e libertad condicional pa nan cliente.
E famia di McDonald a lamenta cu e pena ta mucho suave y ta trata e victiman como un “ciudadano di segunda clase”. Di otro banda, e famia di Van Dyke ta empeña den proteha y humanis’e, insistiendo di cu e no ta racista.