Ex pelotero di Grandes Ligas David Ortiz tira na Republica Dominicana

SANTO DOMINGO, República Dominicana.– E pelotero di Grandes Ligas David ‘Big Papi’ Ortiz ta for di peliger.
“Dokternan mester a corta parti di su tripanan y tambe nan mester a saca su galblaas. Su higra tambe a ricibi daño”, Enrique Rojas a bisa ariba su cuenta di Twitter, citando informacion duna pa e periodista Leo Lopez, asistente di Ortiz relaciona cu asuntonan di prensa y negoshi, na ESPN Digital.
E hungado a wordo herida di bala diadomingo anochi mientras e tabata den un centro di diversion den e Zona Oriental, saludando e interprete di musica urbano “Secreto, Famoso Biberon.
Big Papi a wordo opera di urgencia den e clinica Abel Gonzales.
E tiro a drenta via su lomba y a sali na su bariga.
E carismatico hungado aki tabata den compania di varios amigo, entre nan e presentado Jhoel López cu tambe a ricibi un tiro den su pia.
Director di PN (Polis Nacional) a splica cu e agresion ariba Ortiz no tabata un atraco.
Camaranan di siguridad di e club ta mustra un area caminda tur e mesanan ta yen. Esnan presente ta bebiendo, combersando cu otro y otronan ta den nan telefon, ora cu e agresor ta yega for di patras y ta tira ariba Ortiz.
Personanan presente na e sitio a logra di captura e agresor prome cu esaki por a huy. Investigacion lo mester determina awo motibo di agresion.

Comments

comments