BAVARIA, Alemania- Diahues un corte di Deggendorf, Bavaria a sentencia un ex pastoor Catolico na 8 aña y mey di prizon pa 108 caso di abuso infantil y otro delitonan. Esaki segun e portal Deutsche Welle.
Thomas Maria B., conocido como pader Thomas, di 53 aña, a wordo declara culpabel di a abuso sexual di cinco mucha, di menos di 14 aña, na mas di 100 ocasion. Tambe el a purba di viola di un hoben di 18 aña. E abusonan aki a tuma luga entre 1997 y 2016, tanto na Alemania como den exterior.
Di mes manera, e ex sacerdote a wordo declara culpabel di dañonan corportal intencional, falsificacion di documento, fraude y posesion di pornografia infantil.
Segun e sentencia, e ex sacerdote lo keda den un unidad sikiatrico prome cu e cuminsa su condena den prizon, cu e posibilidad den un futuro liberacion dependiendo di e resultado di su tratamento. Segun e hues Thomas Trautwein, e tratamento lo ta di hopi aña y exito no ta garantisa.
Na 2003 y 2009 e homber tabata cera tambe pa otro delitonan sexual. Na 2008 el a wordo aparta di sacerdocio pa iglesia Catolico, pero el a haci uzo di documentonan falso pa bolbe traha como pastoor.
Fuente: http://hworldnews.com