KUALA LUMPUR, Malaysia- Ex modelo Hulandes, Dennis Verbaas, procedente di Lisse, Hulanda diamars a drenta enlace matrimonial cu Tunku Tun Aminah Maimunah, e unico yiu muhe di Sultan Ibrahim Iskandar di Johor. Esey ta un di e nuebe sultanaonan di Malaysia.
Dennis ta yiu homber di un florista asina tambe lo forma parti di un dinastia miyonario cu ta data te cu 1528.
Dos aña pasa Verbaas a comberti na Islam y desde e tempo ey e ta wordo yama Dennis Muhammad Abdullah.
E matrimonio a tuma luga diamars, pero for di siman pasa tabata tin ceremonianan y formalidadnan. Un di e ceremonianan tabata e “Baño Real” den e hardin botanico di e sultan.
Fuente: http://www.bbc.com/news/world-asia