Ex Miss Universo Dayanara Torres ta confirma cu e tin cancer

FLORIDA, Merca – Despues di varios dia di misterio y sin sa e motibo pa cual e tabata den e estudio di Univision, den un rolstoel, mientras cu e tabata forma parti di ‘Mira Quien Baila All Stars’, Dayanara Torres ta confirma cu e tin cancer di cuero y cu ta danki na e persistencia di su pareha, Louis D’Esposito, cu e ta cla pa duna bataya na e malesa.

“Mi ta conta boso e noticia tristo di cu mi tin cancer di cuero, melanoma, pa un herida y un lunar cu a aparece na cual mi no ta presta mucho atencion. Mi pareha, Luis a pidimi mil y un biaha pa mi bay dokter, cual finalmente mi a haci. Mi a haci un biopsia y un di dos operacion, y diamars ultimo mi a haya e resultadonan, cu lamentablemente ta positivo pa cancer. Mi ta sperando ariba ki tipo di tratamento mi lo wordo someti na dje, pero ya caba nan a remove gran parti di e parti patras di mi rudia y otro partinan na unda e cancer a yega.

Mi kier bisa boso cu mi ta bon, mi yiunan ta bon, aunke cu hopi miedo. Pero nan sa cu nan tin un mama guerero, cu no ta give up, cu mi ta sobrepasa cualkier obstaculo cu nan pone mi dilanti y mas fuerte cu nunca”, tabata gran parti di su historia balente cual el a pone ariba su cuenta di Instagram.
Hustamente, e dia di su operacion, el a post, tambe ariba Instagram, un mensahe cu a hala hopi atencion y cu tabata bisa lo siguiente: “Tur cos ta den man di Dios.. E tin e control”.

Comments

comments