Diaranson den oranan di mainta Landsrecherche a pidi e politico y ex minister Benny Sevinger pa compaña nan pa warda pa interogacion. A busca e mandatario ora cu e tabata bebiendo su koffie na un negoshi den De La Sallestraat. Su esposa tambe a wordo deteni.
E detencion di Sevinger ta bini den cuadro di investigacion Avestruz cu tin di haber cu otorgamento di tereno di gobierno.
Tin varios persona cu a wordo deteni caba y laga liber, mientras cu otronan – Leoncita Arends, Freddy Every y Franklin Abath – ta deteni ainda. Recientemente a detene Mary Hsing, pero despues di un dia a lague liber.
Awe ta e propio minister cu tabata encarga cu e Ministerio di Infrastructura bou di Gabinete Mike Eman I y II a wordo deteni. E ta candidato no. 29 riba lista di AVP pa eleccion di dia 25 di juni awo.
Sevinger semper a expresa cu e no tin miedo di nada, pasobra e no a haci nada malo. Sinembargo su detencion ta demostra cu autoridadnan mester tin mas informacion cu ta compromete pa cual a pasa pa su detencion awe mainta.
Autoridadnan ta spera cu detencion di Sevinger por trece problema di orden publico, pa cual probablemente lo hib’e Marinierskazerne.