Diamars mainta oficialnan di landsrecherche a haci detencion di Otmar Oduber cu tabata e ex minister pa cu e partido POR y tabata encarga cu e cartera di infrastructura.
Cosnan parce no lo a cana bon durante su maneho cu a pone cu un keho lo a yega na landsrecherche y asina e caso Flamingo a lanta. Lunanan atras a haci detencion di dos persona y siman tras di lomba a detene e yiu homber di e ex mandatario. A realisa algun entrada hudicial pa tuma documentonan den beslag.
Awor a yega e dia cu a detene e ex minister Otmar Oduber unda un interogacion mas di 6 ora largo a tuma luga pa cu e caso Flamingo. E abogado di Sr Oduber tambe tabata presente pa defende su cliente. Diamars atardi e van di CEA a presenta unda Otmar a sali man na boei y a drenta van di CEA y a haya su dos dia di encarcelacion pa e interogacion tuma luga di dos dia pa cu e caso.
