BOGOTÁ, Colombia.- E ex hefe di campaña presidencial di Juan Manuel Santos na 2014, Roberto Prieto, lo mester cumpli cu’n pena di prizon di cinco aña pa un caso di soborno paga door di e constructura Brazilero Odebrecht, na Colombia.
Esaki tabata e sentencia duna door di e Husgado Sexto Penal di e Circuito Penal di Bogota, despues di a apoya e pre acuerdo entre Prieto y Ministerio Publico Colombiano, cu ademas a duna ordo pa paga un boet di 50 miyon peso (casi 15 mil dollar).
Como parti di e acuerdo entre e acusado y Ministerio Publico, Prieto a debolbe 887 miyon peso (casi 266 mil dollar).
E empresario, cu ta sintando su castigo den e prizon Modelo, na Bogota, a wordo condena pa delitonan di falsifcacion di documento, trafico di influenca y interes indebi, door di firmamento di contractnan, medionan local a informa.
Prieto ta wordo señala di e ricibi placa pa negocia cu e compania estatal Agencia Nacional de Infraestructura (ANI) e adicion di e contract Ruta del Sol III, pa Yuma Concesionaria S.A., lidera pa e compania Salini Impregilo Spa su sucursal na Colombia, pa e construccion di e brug Plato na 2010.
Pa esaki, Prieto a ricibi un pago di 650 miyon peso (casi 195 mil dollar) a trabes di e compania Megaland S.A.S.
Prieto
Prieto tambe tabata meti den un investigacion cu Ministerio Publico a habri aña pasa pasobra cu supuestamente e lo a ricibi placa for di Odebrecht pa e campaña presidencial di Santos.