Despues cu diamars el a wordo someti na un cirugia celebral cirugia, e ex- gobernante de facto Panameño, Manuel Antonio Noriega, el a sufri complicacionnan y ta den estado critico.
E yiu muhe di e ex- militar condena pa multiple delito, entre nan asesinato y narcotrafico, a informa cu su tata a sufri un hemoragia severo, detecta despues di e operacion.
E operacion celebral a wordo realisa pa saca un tumor benigno for di e ex- general di 83 aña.
Despues di a detecta e derame, e militar a wordo hiba bek pa camber di operacion di urgencia den e hospital Santo Tomas di e capital Panameño.
Noriega a ocupa e cargo inedito di Hefe Maximo di e estado Panameño entre 1983 y 1989.
El a wordo deroca despues di un invasion Mericano.
Despues di a wordo saca for di poder, na comienso di añanan 1990, e ex- mandatario a purba di refugia su mes, sin exito, den e Embahada di Vaticano na Panama, pa asina evita di wordo extradita y husga den un Corte Mericano.
Na 2011 el a bolbe su pais di origen, unda e ta cumpli cu un pena di mas di 60 aña pa asesinato y desparicionnan durante su regimen.