MADRID, Spaña- Un vocero di e Guardia Civil Spaño a informa cu e ex vice minister Venezolano di energia a wordo deteni Madrid pa su supuesto participacion den un importante plan di soborno relaciona cu e estatal petrolera PDVSA, según ABC News a relata.
Nervis Villalobos a keda aresta na Madrid door di un unidad di polis, specialisa den labamento di placa riba peticion di Ministerio Publico na Houston, segun un vocero pa Guardia Civil Spaño a declara na Associated Press. E vocero, cu no ta autorisa pa papia na duna declaracion y a papia den anonimato
Siguientemente e inicialnan di e Venezolanonan cu ta wordo busca pa husticia Mericano”
N.G.V.C., naci na Maracaibo (Venezuela), di 50 aña, ex vice ministro di Energia di Venezuela.
L.C.L.P., naci na Mississippi (EE. UU), cu dobel nacionalidad, Mericano y Venezolano, di 41 aña di edad.
C.D.R.G., naci na Maracaibo (Venezuela), di 50 aña di edad.
R.E.R.M., naci na Caracas (Venezuela), di 38 aña di edad.
E tres ultimo relaciona cu sociedad energetico di Venezuela di e regimen Venezolano di e fayecido president Hugo Chavez Frias.
Gran parti di e evidencia ta origina di e caso contra dos empresario Venezolano residente na Merca, Roberto Rincon y Abraham Shiera, cu na 2015 a wordo acusa pa husticia di e pais di a viola e leynan di practica corupto stranhero ora di conspira pa paga soborno a cambio di contractonan di PDVSA.
Villalobos durante hopi aña tabata e vice minister encarga cu e proyectonan energetico y varios biaha a interveni como minister di Petroleo y Energia ora cu e minister Rafael Ramirez tabata den exterior.
Ramirez, kende no a wordo acusa, actualmente ta embahador Venezolano na Nacionnan Uni. El a rechasa e investigacion di Merca contra di PDVSA, cual compania el a dirigi pa un decada te cu 2014, como un intento di Washington pa purba debilita e gobierno di President Nicolas Maduro.
Fuente: http://abcnews.go.com