HOUSTON, Texas (Merca)- Un ex funcionario di e compania estatal Petroleos de Venezuela (PDVSA) a declara su mes culpabel den un tribunal Mericano, di a a participa den un red di soborno y lavado di activonan relaciona cu e compania.
Ivan Alexis Guedez lo ricibi su sentencia dia 20 di februari proximo pa e delito di labamenti di placa, segun Departamento di Husticia a bisa den un comunicado.
Segun Guedez a admiti den un tribunal di Houston (Texas), e y otro funcionarionan di e compania petrolero a bay di acuerdo cu empresarionan di un proveedor di PDVSA cu sede na Miami pa ricibi soborno a cambio di dirigi e negoshi di e compania aki.
Guedez y su complice a crea emailadresnan falso pa hustifica e pagonan y a dirigi e ingresonan aki pa cuentanan na Suisa a trabes di un compania fantasma prome cu cambianan pa cash.
Ademas di Guedez, husticia di Merca ta procesando mas di 15 persona mas pa e caso aki di corupcion.