Star Ramos, kende a papia den nomber di su coleganan, ex trahadonan di Señor Frog’s Aruba, kier pa Daniel Orosco keda Aruba y para responsabel pa loke el a haci door di yega y cera e lugar.
E ta splica cu Orosco a tuma decisionnan cu ta bestuurshandelingen pa cera e luga, bisa pa entrega yabi, coy e placa y e dia despues entrega e yabi bek na e personanan cu ta huur e luga, como Señor Frog’s. A splica cu desde di e dia ey, e compania no ta existi mas. Pa e ex empleadonan, loke el a haci, e ta un persona cu ta responsabel pa tuma decisionnan cu a percura cu e empleadonan no por bay trabao. Ta warda e decision di diabierna pa wak kico hues ta dicidi pa mantene e belet di sr. Orosco na Aruba.
Manteniendo Orosco na Aruba, segun Ramos, cu esey ta e unico garantia cu e ex empleadonan tin. Manera cu Orosco a mustra na cuminsamento, e tabata cla pa bula bay afo, sin duna splicacion, sin pago y man bashi. Ramos ta haya cu awor si door cu e ta akinan, tin leverage tambe. Ta un situacion hopi delicado pa no laga Orosco sali for di Aruba pa por lo menos e 31 trahado y 35 yiu cu tur tin hunto, duna nan un garantia cu cos ta bay sigur bon, segun Ramos.
Abogado sra. Croes a bisa cu nan lo haya nan pago. Segun Ramos, pa ley, si un compania no ta cera ainda, esta si e bancarota no ta completo, ta responsabel pa e empleadonan haya pago. E empleadonan a gewoon haya pago di un salairo lo sigui bay. Pero ken ta bay duna e ex empleadonan riba papel cu esey lo bay keda.
Ramos a splica cu siman pasa sra. Croes, kende ta defende e parti di Orosco, a haci un declaracion na prensa y a bisa cu sr. Smith, kende ta director, ta na caminda. Ainda ta wardando e meneer aki y no a mira ningun confirmacion di ticket cu e meneer ta na caminda, Ramos ta cuestiona.