Diamars atardi, Central a dirigi patruya na 297 Restaurant na Palm Beach pa un persona indesea. Eynan a papia cu e homber SB, kende a declara cu el a retira un persona for di trabao di dicho local. E ex trahado ta e hoben R. Segun SB, e hoben R. ta bin tur dia entre 4’or y 6’or di atardi na dicho restaurant.
Mirando cu R. ta bin tur dia y no ta cumpra nada, el a wordo cori for di e restaurant. Na e momento ey el a cuminsa menasa e manager. Segun SB esaki a pasa tur dia pa varios dia. Recientemente R., hunto cu otro dos hoben a bin eynan y tabata tin un cuchiu cun’e. Door di esaki SB a haya miedo y a yama polis. SB a wordo avisa pa bay recherche y pa duna keho. Polis a core den vecindario, pero no a topa cu R ni su amigonan. SB tambe a wordo conseha pa yama polis di biaha si e mira nan den vecindario. Central a wordo poni na altura.