Minister encarga cu Infrastructura Sr. Otmar Oduber ta sumamente contento y orguyoso di e trabou cu a ser haci riba e edificio di ex Green Hill Supermarket. Manera tur hende por corda e edificio aki, special esunnan cu ta biba rond den San Nicolas cu ta un edificio cu pa hopi aña tabata para. Despues di esey gobierno a cumpra e edificio y e ta bolbe keda para pero despues gobierno y como Minister di Infrastructura despues di e vierhoek overleg di infra, a tuma e decision pa haci uzo di e edificio despues di a laga DOW haci un analisis riba dje. Serlimar ta un di e promenan cu a drenta e edificio pa recoge tur sushi.
Brandweer tambe a yuda den e proceso aki hunto cu DTI, Elmar y DOW cu tabata hopi envolvi. Segun e mandatario, por bisa cu den cuater luna a converti un edificio cu ta pertenece na gobierno cu tabata den un ruina pa un edificio cu ta bay uza. E meta cu ta tin pe ta un museo di carnaval, un Carnaval Exibition. San Nicolas no solamente ta bay haya un Carnaval Exhibition pero ta bira parti di henter e vision cu tin pariba di isla di Aruba. Banda di e dos museonan cu ya caba ta existi ta bay drecha completamente cu ta plan B despues cu keda cla cu e exhibicion.
Pa loke ta e museo di antiguedad ta di tres museo banda di e exhibicion di carnaval. Segun Minister Oduber si mira bek un par di aña tras no tabatin ningun atraccion turistico fuera di Charlie’s Bar y Baby Beach, pero awo San Nicolas ta logra e meta. Tin cosecha den caya, tin tur renobacion cu a tuma luga y ta continua tambe. Tin Uncle Loui Store cu ya caba a bay destaho publico y na cuminsamento di aña lo bay tin reconstruccion di e edificio aki unda un departamento di gobierno lo bay den dje. Pa Minister Oduber esaki ta un satisfaccion hopi grandi. Colega di cultura, Minister Xiomara Ruiz Maduro cu a bay di acuerdo cu e proyecto aki tambe lo tin e honor manera apertura tuma luga e fin di e luna aki ora cu Carnival Exhibition lo ser habri. Segun Minister Oduber, esaki ta den cuadro di celebracion di carnaval 65 unda e bishitante y propio hendenan por bin mira. E apertura lo bira algo hopi bunita segun e por a compronde p’esey di awor pabien na tur esunnan cu a traha riba e proyecto aki. E presupuesto cu a pone disponibel a yuda converti un propiedad den ruina den un parti cu ta bira desaroyo di San Nicolas segun Minister Otmar Oduber.