ROTTERDAM, Hulanda- Un ex docente di Lucasschool na Rotterdam, di 50 aña di edad, dialuna a wordo aresta ariba sospechoso di abuso di un hobencita y posesion di pornografia infantil.
Na final di december a entrega keho contra di dje, segun Ministerio Publico a declara. E Asociacion pa Educacion Catolico di Rotterdam (RVKO) a declara na RTV Rijnmond cu enberdad e docente tabata traha na Lucasschool.
E denuncia tabata indicio pa haci un inval na su cas. Riba su computer, despues di a haci un scan cortico, a bin haya pornografia infantil.
Den pasado e homber aki a duna les na hobencita. E tabata den servicio di e scol for di augustus 2012 te cu juni 2018, según declaracionnan di Ministerio Publico. Mayornan di e muchanan cu ta bay e scol aki a wordo informa di e caso diahuebs ultimo. A pone Slachtofferhulp na disposicion di e muchanan na kende e docente aki tabata duna les.
Docente mes tabat kier a traha na otro scol
E docente mes a bisa di cu e lo kier duna les na otro scol, pa cual el a tuma su retiro for di Lucasschool den zomer aña pasa. El a bira docente na otro scol basico di RVKO, pero el a meld ziek un paar di siman despues.
Despues di esaki el a wordo reintegra na otro scol basico di RVKO. E entidad educativo a pone e docente ariba non actief inmediatamente despues cu nan a wordo poni na altura di e abuso.
Un vocero di RVKO a bisa cu e entidad a haya un shock ora cu nan a haya sa di e noticia aki. “Ta poco dia pasa nos a bin haya sa kico tumando luga”, e vocero a declara.